IAESTEs Bedriftsguide
Kjære student!
Dette er din guide til bedriftene som vil delta på IAESTEs Næringslivsdag i Bergen 2. februar.
Det kjem bedrifter frå landet rundt, og informasjon om kva studentar dei er ute etter, og kva
dei kan tilby deg finn du i denne guiden.
Næringslivsdagen er ein unik moglegheit til å skaffe seg inspirasjon, råd om studieval, sommarjobb
eller fast tilsetjing. Og med dagens situasjon i jobbmarknaden er dette meir aktuelt enn aldri før.
Finanskrise er vel eit ord dei fleste byrjar å verte leie av, men det er ikkje tvil om at situasjonen
for nyutdanna er ein annan idag enn kva den var for eit par år sidan. Eg føretrekk å sjå på finanskrisa
som ei påminning. Ei påminning om at verda ikkje er så statisk og stilleståande som ein ofte har lett for
å tru når jobbmarknaden blomstrar og den økonomiske situasjonen er god. Me er i dag i endringas tidsalder,
teknologiske framskritt, global økonomi og ikkje minst endringar i klima tyder alle på at dagen i morgon
vil verte forma av handlingane våre idag.
Det er ikkje lenger sjølvsagt at draumejobben ligg og ventar på deg etter endt bachelor/master eller PhD.
Men ved å delta på næringslivsdagen, kan ein snakke med bedrifter om kva jobbar som er tilgjengeleg, kva
fag som er lurt å velje, samt få innspel på kva dei synst om din CV eller dine karakterar.
Det vil óg verte halde kurs av Manpower Professional Engineering i intervjuteknikk, noko som absolutt er
verdt å få med seg.
Til slutt vil eg ynskje deg hjarteleg velkommen, og oppmoda om å ta med deg CV og karakterutskrift
til Realfagbygget 2. februar!
Kjetil Lavik
Leiar, IAESTEs Næringslivsdag i Bergen 2010
|
|
Trykk på biletet over for PDF-utgåva
av den trykte bedriftsguiden (6 MB).
|